الإعلان ده كارثى لعدة أسباب وهى :
الإعلان ده كارثى لعدة أسباب وهى :
- واحدة ست معندهاش مورد رزق ايه اللي يخليها تَخَلَف ٨٨ عيال؟ ده فى حد ذاته كارثة كبيرة يمكن لو كانت عندها عيل او اتنين كانت قدرت توفر تمن توصيلة المياة لما توفر مصاريف ٦ أفراد فى الأسرة
- الإعلان عايز يوصل الناس انهم يبقوا مسئولين عن حل مشاكل بعض من غير ما حد يرمى اللوم على الحكومة اللى هو دورها اصلا خدمة الناس وتوصيل المرافق ليهم ؟
- اللى عملوا البرنامج ده شايفين الست وهى بتشرب من مياة بالمنظرة ده وسايبنها تشرب وبيصوروها كمان وهى بتشربها وعارفين ان ممكن جرعة المياة ديه تكون هى "القشة التي قصمت ظهر البعير " ويجيلها فشل كلوى
بدل ما ينصحوها مثلا بحلول مؤقتة لحد ما مشكلتها تتحل انها تغلى المياة الأول وتصفيها بقطن أكتر من مرة علشان الشوائب او يدوها فلتر من اللى بتركب على قوارير المياة وده مش غالى خالص واهى محاولة لتقليل الضرر ولو بصورة بسيطة
- الأعلان تكلفته ٦٠٠٠ الف جنيه وده على لسان احد معدين الأعلان .. وبيطالبوا الناس يدفعوا ٢٠٠٠ جنيه تمن توصيلة المياة يعنى تكلفة الأعلان ممكن توصل مياة لـ ٣٠٠ أسرة وده كان هيبقى أفضل بكتير من الهرى اللى حصل ده ؟؟
- عايزين يحسسوك بالذنب تجاة مشاكل الناس اللى اصلا مش مطلوب منك انك تحلها انت بتشتغل وبتدفع ضرايب علشان الحكومة تاخدها وتصرف على المرافق وغيرها من الخدمات
تعليقات
إرسال تعليق